叫阮的名

《叫阮的名》Kiò Gún ê Miâ
巫啟賢Bû Khé-hiân
——————————-

誰咧叫阮的名
siâng teh kiò gún ê miâ
一句比一句疼
tsi̍t-kù pí tsi̍t-kù thiànn
親像咧問阮敢會驚寒
tshin-tshiūnn teh mn̄g gún kám ē kiann-kuânn

無需要別人來講
bô su-iàu pa̍t-lâng lâi kóng
阮心內嘛知影
gún sim-lāi mā tsai-iánn
是你的聲 是你的聲
sī lí ê siann, sī lí ê siann

誰蹛佇阮的夢
siâng tuà tī gún ê bāng
一蹛就一世人
tsi̍t tuà tiō tsi̍t-sì-lâng
上驚日頭會將咱拆散
siōng kiann ji̍t-thâu ē tsiong lán thiah-suànn

雖然離開遐爾遠
sui-jiân lī-khui hiah-nī hn̄g
阮猶原會知影
gún iu-guân ē tsai-iánn
是你的影是你的影
sī lí ê iánn, sī lí ê iánn

叫阮的名
kiò gún ê miâ
阮用一生斟酌聽
gún iōng it-sing tsim-tsiok thiann
當初細漢袂赴予你了解
tong-tshoo suè-hàn buē-hù hōo-lí liáu-kái
你是阮的性命
lí sī gún ê sìnn-miā

叫阮的名
kiò gún ê miâ
阮需要你來做伴
gún su-iàu lí lâi tsùe-phuānn
人生的路途
jîn-sing ê lōo-tôo
阮愛你牽阮行
gún ài lí khan gún kiânn