一粒糖

《一粒糖》Tsi̍t-lia̍p Thn̂g
吳蕙君Ngôo Huī-kun
——————————————
愛情的路有甜有苦
ài-tsîng ê lōo ū tinn ū khóo
欲快樂家己鋪
beh khuài-lo̍k ka-tī phoo
毋驚風毋驚雨
m̄-kiann hong m̄-kiann hōo
行出人生的旅途
kiânn tshut jîn-sing ê lú-tôo

愛情的路有風有雨
ài-tsîng ê lōo ū hong ū hōo
雙人一心牽手渡
siang-lâng it-sim khan-tshiú tōo
一枝草一點露
tsi̍t-ki tsháu tsi̍t-tiám lōo
拚出人生的地圖
piànn tshut jîn-sing ê tē-tôo

我想欲佮你
guá siūnn-beh kah lí
仝一片天
kāng tsi̍t-phìnn thinn
仝一片地
kāng tsi̍t-phìnn tē
仝一頂眠床一領被
kāng tsi̍t-tíng bîn-tshn̂g tsi̍t-niá phuē
無論是透風落雨抑落雪
bô-lūn sī thàu-hong lo̍h-hōo ia̍h lo̍h-seh
春夏秋冬行齊齊
tshun-hā tshiu-tang kiânn tsê-tsê

我想欲佮你
guá siūnn-beh kah lí
仝一片天
kāng tsi̍t-phìnn thinn
仝一片地
kāng tsi̍t-phìnn tē
仝一頂眠床一領被
kāng tsi̍t-tíng bîn-tshn̂g tsi̍t-niá phuē
無論是透風落雨抑落雪
bô-lūn sī thàu-hong lo̍h-hōo ia̍h lo̍h-seh
一粒糖一个家
tsi̍t-lia̍p thn̂g tsi̍t-ê ke