美容師

《美容師》Bí-iông-su
李芊慧Lí Tshian-huī
——————————————
女人天性真愛媠
lú-jîn thian-sìng tsin ài-suí
自然較寶貴
tsū-jiân khah pó-kuì
三分妝扮七分媠
sann-hun tsong-pān tshit-hun suí
過份變虛偽
kuè-hūn piàn hi-guī

看著別人遐爾媠
khuànn-tio̍h pa̍t-lâng hiah-nī suí
暗嘆吐大氣
àm-thàn thóo-tuā-khuì
美容到底著毋著
bí-iông tàu-té tio̍h m̄-tio̍h
向鏡問是非
hiòng kiànn mn̄g sī-hui

一時貪著外表媠
tsi̍t-sî tham-tio̍h guā-piáu suí
意亂心痴醉
ì luān sim tshi-tsuì
真假感情總包圍
tsin-ké kám-tsîng tsóng pau-uî
多情人食虧
to-tsîng-lâng tsia̍h-khui

愛媠愛媠真愛媠
ài-suí ài-suí tsin ài-suí
過份的愛媠
kuè-hūn ê ài-suí
意亂情迷心又醉
ì luān tsîng bê sim iū tsuì
愈想愈落氣
jú siūnn jú làu-khuì

一步踏錯兩步穩
tsi̍t-pōo ta̍h tshò nn̄g-pōo ún
失敗無白費
sit-pāi bô pe̍h-huì
美容到底著毋著
bí-iông tàu-té tio̍h m̄-tio̍h
向我問是非
hiòng guá mn̄g sī-hui

毋敢對鏡看流淚
m̄-kánn tuì kiànn khuànn lâu-luī
轉身來安慰
tsuán-sin lâi an-uì
了解自己的是非
liáu-kái tsū-kí ê sī-hui
過去何必追
kuè-khì hô-pit tui