秤重的愛

《秤重的愛》Tshìn-tāng ê Ài
吳蕙君Ngôo Huī-kun
——————————————
有愛電話一直敲
ū-ài tiān-uē it-ti̍t khà
無愛電話像斷線
bô-ài tiān-uē tshiūnn tn̄g-suànn
無閒無閒
bô-îng bô-îng
借口一直拖
tsioh-kháu it-ti̍t thua
我問愛人為按怎
guá mn̄g ài-jîn uī án-tsuánn
伊講為錢愛賭命
i kóng uī tsînn ài tóo-miā
錢較重要我算啥
tsînn khah tiōng-iàu guá sǹg siánn
你的現實毋是一般
lí ê hiān-si̍t m̄-sī it-puann
滴滴目屎割心肝
tih-tih ba̍k-sái kuah sim-kuann

有錢世界多情人
ū-tsînn sè-kài to tsîng-lâng
無錢愛情攏是空
bô-tsînn ài-tsîng lóng-sī khang
感情予你秤斤重
kám-tsîng hōo lí tshìn kin-tāng
總是輸予有錢人
tsóng-sī su hōo ū-tsînn-lâng
越頭叫我愛知輕重
ua̍t-thâu kiò guá ài tsai-khin-tāng
若無選擇是別人
nā-bô suán-ti̍k sī pa̍t-lâng
夢醒心碎猶原等
bāng tshínn sim tshuì iu-guân tán
等你回頭彼一工
tán lí huê-thâu hit-tsi̍t-kang