真心愛你

《真心愛你》Tsin-sim Ài Lí

李明洋Lí Bîng-iông

——————————————

一粒心掛在你身邊

tsi̍t-lia̍p sim kuà tsāi lí sin-pinn

毋知你何時欲離開

m̄-tsai lí hô-sî beh lī-khui

攑頭問天

gia̍h-thâu mn̄g thinn

到底為啥物

tàu-té uī-siánn-mih

忍心對咱這款創治

jím-sim tuì lán tsit khuán tshòng-tī

想起著舊年彼一日

siūnn-khí tio̍h kū-nî hit-tsi̍t-ji̍t

是咱相逢相愛的開始

sī lán siong-hông siong-ài ê khai-sí

情愛綿綿牽手的相片

tsîng-ài mî-mî khan-tshiú ê siòng-phìnn

只賰我孤單咧相思

tsí tshun guá koo-tuann teh siunn-si

想欲將我的心交予你

siūnn-beh tsiong guá ê sim kau hōo lí

但是阮無勇氣講出喙

tān-sī gún bô ióng-khì kóng tshut-tshuì

只好將我心愛的名字

tsí-hó tsiong guá sim-ài ê miâ-jī

刻佇胸坎安慰自己

khik tī hing-khám an-uì tsū-kí

想欲用我一生陪伴你

siūnn-beh iōng guá it-sing puê-phuānn lí

但是咱無緣份伴相隨

tān-sī lán bô iân-hūn phuānn-siong-suî

拜託月娘替阮轉達予你

pài-thok gue̍h-niû thè gún tsuán-ta̍t hōo lí

今生今世

kim-sing kim-sè

阮真心愛你

gún tsin-sim ài lí