痴情男人淚

《痴情男人淚》Tshi-tsîng Lâm-jîn Luī

李明洋Lí Bîng-iông

——————————————

寂寞的暗暝

tsi̍k-bo̍k ê àm-mî

雨聲引我心稀微

hōo-siann ín guá sim hi-bî

難忘的形影

lân-bōng ê hîng-iánn

懷念溫柔的過去

huâi-liām un-jiû ê kuè-khì

傷痕遮爾深

siong-hûn tsiah-nī tshim

偏偏毋願來承認

phian-phian m̄-guān lâi sîng-jīn

失落的美麗

sit-lo̍h ê bí-lē

海角天邊

hái-kak thinn-pinn

原諒痴情的男兒

guân-liōng tshi-tsîng ê lâm-jî

迷戀心疼的名字

bê-luân sim thiànn ê miâ-jī

是無緣註定的傷悲

sī bô-iân tsù-tiānn ê siong-pi

原諒痴情的男兒

guân-liōng tshi-tsîng ê lâm-jî

用我最後的勇氣

iōng guá tsuè-āu ê ióng-khì

大聲叫著

tuā-siann kiò tio̍h

心愛我想你

sim-ài guá siūnn lí

啊~雨抑淚

ah~ hōo ia̍h luī

一人孤單到深更

tsi̍t-lâng koo-tuann kàu tshim-kinn