番薯情

《番薯情》Han-tsîr Tsîng

李子恆 Lí Tsír-hîng

——————————————

細漢的夢

suè-hàn ê bāng

是一坵番薯園

sī tsi̍t-khu han-tsîr hn̂g

有春天也有風霜

ū tshun-thinn iā ū hong-sng

番薯的心是遮爾軟

han-tsîr ê sim sī tsiah-nī nńg

愈艱苦愈?生存

jú kan-khóo jú gâu sing-tsûn

故鄉的情

kòo-hiong ê tsîng

是一滴番薯奶

sī tsi̍t-tih han-tsîr-ling

上歹洗也上久長

siōng phái sué iā siōng kú-tn̂g

番薯的根是遮爾深

han-tsîr ê kirn sī tsiah-nī tshim

愈掘愈大捾上好種

jú ku̍t jú tuā-kuānn siōng-hó tsìng

感情埋塗跤

kám-tsîng tâi thôo-kha

孤單青春無人問

koo-tuann tshing-tshun bô-lâng mn̄g

夢鄉穿砲彈

bāng-hiong tshng phàu-tuânn

滿山的番薯藤

muá-suann ê han-tsîr-tîn

切袂斷

tshiat buē tn̄g

阮是食番薯大漢的金門囝

gún sī tsia̍h han-tsîr tuā-hàn ê Kim-mn̂g-kiánn

黃種白仁心赤赤

n̂g-tsíng pe̍h-jîn sim tshiah-tshiah

咱是靠番薯生活

lán sī khò han-tsîr sing-ua̍h

來疼性命

lâi thiànn sìnn-miā

著愛一代一代

tio̍h-ài tsi̍t-tāi tsi̍t-tāi

傳過一代聽

thuân kèr tsi̍t-tāi thiann