曖昧林檎

《曖昧林檎》Ài-māi Lìn-gooh
李千那Lí Tshian-ná(李千娜)
——————————————
世間遐爾大
sè-kan hiah-nī tuā
到底真心藏佇佗
tàu-té tsin-sim tshàng tī toh
心內有期待
sim-lāi ū kî-thāi
為何緣份遐爾薄
uī-hô iân-hūn hiah-nī po̍h
一條愛情路
tsi̍t-tiâu ài-tsîng-lōo
千千萬萬的跤步
tshian-tshian-bān-bān ê kha-pōo
著的人攏拄袂著
tio̍h ê lâng lóng tú buē tio̍h

並無佮人學
pīng bô kah lâng o̍h
啥物公主彼一套
siánn-mih kong-tsú hit tsi̍t-thò
只要有真愛
tsí-iàu ū tsin-ài
毋免芳水佮璇石
m̄-bián phang-tsuí kah suān-tsio̍h
希望風佮雨
hi-bāng hong kah hōo
毋通閣再來耽誤
m̄-thang koh-tsài lâi tām-gōo
阮嘛定定咧祈禱
gún mā tiānn-tiānn leh kî-tó

有情人緊相招
ū tsîng-lâng kín sio-tsio
有情歌鬥相報
ū tsîng-kua tàu sio-pò
有真心
ū tsin-sim
較贏曖昧的林檎
khah-iânn ài-māi ê lìn-gooh
有時陣做陣搖
ū-sî-tsūn tsuè-tīn iô
有時陣相讓步
ū-sî-tsūn sio niū-pōo
兩个人合唱
nn̄g-ê lâng ha̍p-tshiùnn
美麗上美麗的メロ
bí-lē siōng bí-lē ê mé-looh

有情夢愛相褒
ū-tsîng bāng ài sio-po
有情話緊宣佈
ū-tsîng uē kín suan-pòo
有決心互相陪伴
ū kuat-sim hōo-siong puê-phuānn
互相照顧
hōo-siong tsiàu-kòo
踮幸福的大路
tiàm hīng-hok ê tuā-lōo
予逐家聽會著
hōo ta̍k-ke thiann ē tio̍h
連眠夢攏會笑
liân bîn-bāng lóng ē tshiò
—

連眠夢攏會笑
liân bîn-bāng lóng ē tshiò
連眠夢攏會笑
liân bîn-bāng lóng ē tshiò