承擔

《承擔》Sîng-tam

李明洋Lí Bîng-iông

——————————————

用我的心將你疼

iōng guá ê sim tsiong lí thiànn

變成無望的心情

piàn-sîng bô-bāng ê sim-tsiânn

毋甘也著忍心來放

m̄-kam iā tio̍h jím-sim lâi pàng

是啥人

sī siánn-lâng

先將感情斷送

sing tsiong kám-tsîng tuān-sàng

將咱誓言放予空

tsiong lán sè-giân pàng hōo khang

叫我閣擔

kiò guá koh tann

已經太重

í-king thài tāng

毋甘造成你的負擔

m̄-kam tsō-sîng lí ê hū-tam

變做全部我承擔

piàn-tsuè tsuân-pōo guá sîng-tam

偏偏你愛是別人

phian-phian lí ài sī pa̍t-lâng

毋甘造成你的負擔

m̄-kam tsō-sîng lí ê hū-tam

變做全部我承擔

piàn-tsuè tsuân-pōo guá sîng-tam

毋甘也著放

m̄-kam iā tio̍h pàng

明明知影你心內

bîng-bîng tsai-iánn lí sim-lāi

早就已經愛別人

tsá tiō í-king ài pa̍t-lâng

愛你的手

ài lí ê tshiú

我早就應該放

guá tsá tiō ing-kai pàng