我會離開
《我會離開》Guá ē Lī-khui
李明洋Lí Bîng-iông
——————————————
結束一段感情
kiat-sok tsi̍t-tuānn kám-tsîng
需要偌濟勇氣
su-iàu guā-tsuē ióng-khì
放棄一段愛情
hòng-khì tsi̍t-tuānn ài-tsîng
愛下偌濟決心
ài hā guā-tsuē kuat-sim
無法度放手
bô-huat-tōo pàng-tshiú
是一世人的親情
sī tsi̍t-sì-lâng ê tshin-tsîng
咱無悲傷的權利
lán bô pi-siong ê khuân-lī
也無重來的時機
iā bô tîng-lâi ê sî-ki
我會離開
guá ē lī-khui
是仝款的愛你
sī kāng-khuán ê ài lí
祝你幸福過日子
tsiok lí hīng-hok kuè ji̍t-tsí
我會離開
guá ē lī-khui
嘛是一種祝福你
mā sī tsi̍t-tsióng tsiok-hok lí
望你毋通放袂記
bāng lí m̄-thang pàng-buē-kì
放捒啊放捒
pàng-sak–ah pàng-sak
明年的春天
mâ-nî ê tshun-thinn
猶原是遐爾仔媠
iu-guân sī hiah-nī-á suí
——————————————