頭一擺熟似的人
《頭一擺熟似的人》Thâu-tsi̍t-pái Si̍k-sāi ê Lâng
吳俊宏Ngôo Tsùn-hông
——————————————
↓↓—(口白)—↓↓
緣份不時創治著
iân-hūn put-sî tshòng-tī tio̍h
每一个人的心肝
muí tsi̍t-ê lâng ê sim-kuann
伊予咱歡喜
i hōo lán huann-hí
也會予咱傷悲
iā ē hōo lán siong-pi
予咱做著
hōo lán tsuè tio̍h
媠媠的一場美夢
suí-suí ê tsi̍t-tiûnn bí-bāng
但是夢醒
tān-sī bāng tshínn
猶原是一場空
iû-guân sī tsi̍t-tiûnn khang
↑↑—(口白)—↑↑
頭一擺來熟似
thâu-tsi̍t-pái lâi si̍k-sāi
一見鍾情
it-kiàn tsiong-tsîng
對你有意愛
tuì lí ū ì-ài
啥人知身份遙遠
siánn-lâng tsai sin-hūn iâu-uán
煞來去分東西
suah lâi-khì hun tang-sai
想欲將你當做
siūnn-beh tsiong lí tòng-tsuè
我命中的仙女
guá miā-tiong ê sian-lí
怎樣會當放捒
tsuánn-iūnn ē-tàng pàng-sak
我當做攏毋知
guá tòng-tsuè lóng m̄-tsai
怎樣會當
tsuánn-iūnn ē-tàng
美夢變成空
bí-bāng piàn-sîng khang
↓↓—(口白)—↓↓
感情的世界
kám-tsîng ê sè-kài
毋是講放
m̄-sī kóng pàng
你就真正放會開
lí tiō tsin-tsiànn pàng ē khui
親像沉落在
tshin-tshiūnn tîm lo̍h tsāi
茫茫的深淵
bâng-bâng ê tshim-ian
將付出的真心
tsiong hù-tshut ê tsin-sim
漸漸變做一份痴
tsiām-tsiām piàn-tsuè tsi̍t-hūn tshi
↑↑—(口白)—↑↑
每一个日頭落西
muí tsi̍t-ê ji̍t-thâu lo̍h-sai
會想著你天真的模樣
ē siūnn-tio̍h lí thian-tsin ê bôo-iūnn
每一个更深無聲
muí tsi̍t-ê kinn tshim bô-siann
會來唸著你的名
ē lâi liām tio̍h lí ê miâ
想欲將你當做
siūnn-beh tsiong lí tòng-tsuè
我命中的仙女
guá miā-tiong ê sian-lí
怎樣會當放捒
tsuánn-iūnn ē-tàng pàng-sak
我當做攏毋知
guá tòng-tsuè lóng m̄-tsai
怎樣會當
tsuánn-iūnn ē-tàng
美夢變成空
bí-bāng piàn-sîng khang
↓↓—(口白)—↓↓
我嘛知影繼續落去
guá mā tsai-iánn kè-sio̍k–lo̍h-khì
只是慢慢折磨著自己
tsí-sī bān-bān tsiat-buâ tio̍h tsū-kí
為啥物
uī-siánn-mih
我猶一直戇戇踮佇遮
guá iáu it-ti̍t gōng-gōng tiàm-tī tsia
一直咧等一場無可能的夢
it-ti̍t leh tán tsi̍t-tiûnn bô-khó-lîng ê bāng
↑↑—(口白)—↑↑
想欲將你當做
siūnn-beh tsiong lí tòng-tsuè
我命中的仙女
guá miā-tiong ê sian-lí
怎樣會當放捒
tsuánn-iūnn ē-tàng pàng-sak
我當做攏毋知
guá tòng-tsuè lóng m̄-tsai
怎樣會當
tsuánn-iūnn ē-tàng
美夢變成空
bí-bāng piàn-sîng khang
↓↓—(口白)—↓↓
最後
tsuè-āu
我只有祝福你
guá tsí-ū tsiok-hok lí
會當有一个
ē-tàng ū tsi̍t-ê
永遠的美夢
íng-uán ê bí-bāng
↑↑—(口白)—↑↑