相愛到永遠
《相愛到永遠》Siong-ài Kàu Íng-uán
吳俊宏Ngôo Tsùn-hông
張秀卿Tiunn Siù-khing
——————————————
女)
送你一條袚鍊做紀念
sàng lí tsi̍t-tiâu phua̍h-liān tsuè kì-liām
千言萬語藏在阮心房
tshian-giân-bān-gí tshàng tsāi gún sim-pâng
毋通來辜負純情夢
m̄-thang lâi koo-hū sûn-tsîng bāng
做著無情人
tsuè tio̍h bô-tsîng-lâng
男)
我的我的心內無別人
guá ê guá ê sim-lāi bô pa̍t-lâng
想來想去也是你一人
siūnn lâi siūnn khì iā-sī lí tsi̍t-lâng
日頭若落西心沉重
ji̍t-thâu nā lo̍h-sai sim tîm-tāng
加添阮思戀
ka-thiam gún su-luân
女)
啊~我想你
ah~ guá siūnn lí
思念像海湧
su-liām tshiūnn hái-íng
男)
愛你的心肝遮堅定
ài lí ê sim-kuann tsiah kian-tīng
用我的一生
iōng guá ê it-sing
女)
鴛鴦做伴度寒冬
uan-iunn tsuè-phuānn tōo hân-tang
男)
蝴蝶總是黏花欉
ôo-tia̍p tsóng-sī liâm hue-tsâng
合)
心心相愛到永遠
sim-sim siong-ài kàu íng-uán