情畫情話

《情畫情話》Tsîng-uē Tsîng-uē

吳淑敏Ngôo Siok-bín

——————————————

揀啥物款的色彩

kíng siánn-mih khuán ê sik-tshái

啥物款的希望

siánn-mih khuán ê hi-bāng

畫這幅戀愛

uē tsit pak luân-ài

畫中的世界

uē-tiong ê sè-kài

快樂自在

khuài-lo̍k tsū-tsāi

猶有點燈結紅綵

iáu-ū tiám-ting kiat âng-tshái

用溫柔染的花海

iōng un-jiû ní ê hue-hái

心內開的玫瑰

sim-lāi khui ê muî-kuì

畫這幅將來

uē tsit pak tsiong-lâi

畫中的世界

uē-tiong ê sè-kài

燦爛精彩

tshàn-lān tsing-tshái

猶有滿滿的期待

iáu-ū buán-buán ê kî-thāi

花芳啊

hue-phang–ah

拜託喜鵲通知伊知

pài-thok hí-tshiok thong-ti i tsai

花開啊

hue khui–ah

為伊表現豔麗姿態

uī i piáu-hiān iām-lê tsu-thài

著時勸君伊來採

tio̍h-sî khǹg kun i lâi tshái

莫等花謝青春不再

bo̍k tán hue siā tshing-tshun put-tsài

花芳啊

hue phang–ah

拜託喜鵲通知伊知

pài-thok hí-tshiok thong-ti i tsai

花開啊

hue khui–ah

為伊保留真摯的愛

uī i pó-liû tsin-tsì ê ài

畫一條白色的頭紗

uē tsi̍t-tiâu pe̍h-sik ê thâu-se

為我戴上咱的未來

uī guá tì siōng lán ê bī-lâi