命運天註定

《命運天註定》Miā-ūn Thinn Tsù-tiānn
吳晉淮Ngôo Tsìn-huâi
——————————————
殘忍的神安排著
tsân-jím ê sîn an-pâi tio̍h
你我運命
lí guá ūn-miā
這敢是前世天註定
tse kám-sī tsîng-sì thinn tsù-tiānn
想著今後愛別離
siūnn-tio̍h kim-āu ài pia̍t-lî
予我心頭疼
hōo guá sim-thâu thiànn
你趕緊袂記我形影
lí kuánn-kín bē-kì guá hîng-iánn
啊~這就是枉費啦的心情
ah~ tse tsiū-sī óng-huì–lah ê sim-tsiânn

無緣的神拆散著
bô-iân ê sîn thiah-suànn tio̍h
你我情份
lí guá tsîng-hūn
枉費了心愛情溫馴
óng-huì liáu sim-ài tsîng un-sûn
姑不而將愛假做
koo-put-jî-tsiong ài ké tsuè
薄情的郎君
po̍h-tsîng ê lông-kun
想起來心頭亂紛紛
siūnn–khí-lâi sim-thâu luān hun-hun
啊~你一定對我真怨恨
ah~ lí it-tīng tuì guá tsin uàn-hūn

絕情的神壓迫著
tsua̍t-tsîng ê sîn ap-pik tio̍h
你我情斷
lí guá tsîng tuān
看著你悲傷咧心酸
khuànn-tio̍h lí pi-siong teh sim-sng
親像我咧割心腸
tshin-tshiūnn guá ti̍h kuah sim-tn̂g
跤軟手也軟
kha nńg tshiú iā nńg
一切美夢全然無影
it-tshè bí-bāng tsuân-jiân bô-iánn
啊~我已經欲離開去真遠
ah~ guá í-king beh lī-khui khì tsin hn̄g