Bad Boy

《Bad Boy》
吳淑敏Ngôo Siok-bín
——————————————
若無想欲予我
nā bô siūnn-beh hōo guá
來對你懷疑
lâi tuì lí huâi-gî
你上好乖乖聽話
lí siōng-hó kuai-kuai thiann-uē
好好安分守己
hó-hó an-hun-siú-kí
你若想欲偷食
lí nā siūnn-beh thau-tsia̍h
先學會曉拭喙
sing o̍h ē-hiáu tshit-tshuì
你的借口
lí ê tsioh-kháu
強欲聽袂落去
kiōng-beh thiann buē lo̍h-khì

聽人講你的身邊
thiann lâng kóng lí ê sin-pinn
真濟美女
tsin tsuē měinǚ
四界風流的代誌
sì-kè hong-liû ê tāi-tsì
刺傷阮耳孔邊
tshì-siong gún hīnn-kháng pinn
隱瞞會了一時
ún-muâ ē liáu tsi̍t-sî
掩崁袂了一世
am-khàm buē liáu tsi̍t-sè
陪你演戲
puê lí ián-hì
看你欲耍到何時
khuànn lí beh sńg kàu hô-sî

你是一个Bad Boy
lí sī tsi̍t-ê Bad Boy
將愛當做?迌物
tsiong ài tòng-tsuè tshit-thô-mi̍h
一个Bad Boy
tsi̍t-ê Bad Boy
只賰花言巧語
tsí tshun hua-giân khá-gí
我若是鐵了心
guá nā-sī thih liáu sim
決心無欲插你
kuat-sim bô beh tshap lí
你免來後悔
lí bián lâi hiō-hué
求我莫離開
kiû guá mài lī-khui

你是一个Bad Boy
lí sī tsi̍t-ê Bad Boy
不如Gucci LV
put-jû Gucci LV
一个Bad Boy
tsi̍t-ê Bad Boy
食我食甲死死
tsia̍h guá tsia̍h kah sí-sí
電話總是關機
tiān-uē tsóng-sī kuainn-ki
毋是我無脾氣
m̄-sī guá bô phî-khì
你叫我按怎來相信你
lí kiò guá án-tsuánn lâi siong-sìn lí