重頭共你疼

https://www.youtube.com/watch?v=iiQhtBl7yi4&fbclid=IwAR2DY31HY0-UpsCPi1nGrkc5EtX0CZF1HAFcd1ExG1-SALl5nqrNBXxO_zs

《重頭共你疼》Tîng-thâu Kā Lí Thiànn
吳秀珠Ngôo Siù-tsu
劉家妤Lâu Ka-û
——————————————
(母)
我將彼跤手環
guá tsiong hit kha tshiú-khuân
摺佇你的膨紗衫
tsih tī lí ê phòng-se-sann
你若想著我
lí nā siūnn-tio̍h guá
就提起來掛
tō the̍h khí-lâi kuà

你著欲嫁去遠遠
lí tio̍h-beh kè khì hn̄g-hn̄g
去過著新的生活
khì kuè tio̍h sin ê sing-ua̍h
希望你今後的幸福
hi-bāng lí kim-āu ê hīng-hok
有一牛車
ū tsi̍t-gû-tshia

你著欲做人的新婦
lí tio̍h-beh tsuè lâng ê sin-pū
做人的媽媽
tsuè lâng ê má-mah
未來的日子
bī-lâi ê ji̍t-tsí
愛用心去體會啊
ài iōng-sim khì thé-huē–ah
你嘛永遠是
lí mā íng-uán sī
我心愛的查某囝
guá sim-ài ê tsa-bóo-kiánn
望你會得人惜
bāng lí ē tit-lâng-sioh
得人疼
tit-lâng-thiànn

(女)
我猶有真濟話
guá iáu-ū tsin tsuē uē
攏寄佇眠床跤的手巾仔
lóng kià tī bîn-tshn̂g-kha ê tshiú-kin-á
感謝你的恩情
kám-siā lí ê un-tsîng
將阮來晟
tsiong gún lâi tshiânn

我著欲嫁去遠遠
guá tio̍h-beh kè khì hn̄g-hn̄g
去過著新的生活
khì kuè tio̍h sin ê sing-ua̍h
但是我永遠會記
tān-sī guá íng-uán ē-kì
你是我的阿母啊
lí sī guá ê a-bú–ah

我著欲做人的新婦
guá tio̍h-beh tsuè lâng ê sin-pū
做人的媽媽
tsuè lâng ê má-mah
你對我的叮嚀
lí tuì guá ê ting-lîng
我一直攏知影
guá it-ti̍t lóng tsai-iánn
我嘛永遠是
guá mā íng-uán sī
你心愛的查某囝
lí sim-ài ê tsa-bóo-kiánn
我嘛會將你的愛
guá mā ē tsiong lí ê ài
傳予我的囡仔
thuân hōo guá ê gín-á

ayo mama
jangan lah marah beta
dia cuma cuma cuma cium beta
ayo mama
jangan lah marah beta
lah orang muda punya biasa

(合)
做人的新婦
tsuè lâng ê sin-pū
做人的媽媽
tsuè lâng ê má-mah
對你的親情
tuì lí ê tshin-tsîng
我一工攏無變卦
guá tsi̍t-kang lóng bô piàn-kuà
希望後世人
hi-bāng āu-sì-lâng
咱閣做一擺母仔囝
lán koh tsuè tsi̍t-pái bú-á-kiánn
我欲重新共你惜
guá beh tiông-sin kā lí sioh
重頭共你疼
tîng-thâu kā lí thiànn