跳袂煞

《跳袂煞》Thiàu Bē Suah
吳淑敏Ngôo Siok-bín
——————————————
阮毋是你手內面
gún m̄-sī lí tshiú lāi-bīn
彼个傀儡尪仔
hit-ê ka-lé-ang-á
袂為著你咧KTV
buē uī-tio̍h lí teh KTV
唱心疼的歌
tshiùnn sim thiànn ê kua

今仔日愛情放假
kin-á-ji̍t ài-tsîng hòng-ká
一个人真快活
tsi̍t-ê-lâng tsin khuìnn-ua̍h
阮閣有姊妹
gún koh ū tsí-muē
做我的靠山
tsuè guá ê khò-suann

拆破厝的音樂聲
thiah-phuà tshù ê im-ga̍k-siann
飛上天的心情
pue tsiūnn-thian ê sim-tsiânn
離開你親像鳥仔
lī-khui lí tshin-tshiūnn tsiáu-á
才知天遐爾大
tsiah tsai thinn hiah-nī tuā
阮欲佮過去斷線
gún beh kah kuè-khì tn̄g-suànn
阮袂記你的名
gún buē-kì lí ê miâ
阮欲將快樂
gún beh tsiong khuài-lo̍k
排第一名
pâi tē-it-miâ

今夜跳袂煞
kim-iā thiàu buē suah
有人看
ū-lâng khuànn
我嘛毋驚
guá mā m̄-kiann
姊妹鬥陣做伴
tsí-muē tàu-tīn tsuè-phuānn
熱情袂變卦
jia̍t-tsîng buē piàn-kuà

跤步跳袂煞
kha-pōo thiàu buē suah
心內唱跳舞的歌
sim-lāi tshiùnn thiàu-bú ê kua
想欲予你看著
siūnn-beh hōo lí khuànn-tio̍h
我快樂形影
guá khuài-lo̍k hîng-iánn