走音的吉他
《走音的吉他》Tsáu-im ê Gì-tah
吳申梅 Ngôo Sin-muî
——————————————
敢講我對你猶有思念
kám-kóng guá tuì lí iáu-ū su-liām
敢講我手閣毋甘放
kám-kóng guá tshiú koh m̄-kam pàng
敢講我對你猶有向望
kám-kóng guá tuì lí iáu-ū ǹg-bāng
敢講我猶閣咧做夢
kám-kóng guá iáu-koh teh tsuè-bāng
其實你早就已經無差
kî-si̍t lí tsá tiō í-king bô-tsha
其實你早就無感覺
kî-si̍t lí tsá tiō bô kám-kak
其實你並無對我隱瞞
kî-si̍t lí pīng bô tuì guá ún-muâ
其實連騙我攏嫌麻煩
kî-si̍t liân phiàn guá lóng hiâm mâ-huân
調袂好手中這枝
tiāu buē hó tshiú-tiong tsit ki
走音的吉他
tsáu-im ê gì-tah
撨袂倚你我之間
tshiâu buē uá lí-guá tsi-kan
變調的歌
piàn-tiāu ê kua
只有將所有琴弦
tsí-ū tsiong sóo-ū khîm-hiân
攏總拆拆予散
lóng-tsóng thiah-thiah hōo suànn
如果早慢著愛了斷
jû-kó tsá-bān tio̍h-ài liáu-tuān
咱就莫為難
lán tō mài uî-lân