茶葉滿山青

《茶葉滿山青》Tê-hio̍h Muá-suann Tshinn
吳晉淮Ngôo Tsìn-huâi
——————————————
春天茶葉滿山青
tshun-thinn tê-hio̍h muá-suann tshinn
妹妹歌聲甘又甜
muē-muē kua-siann kam iū tinn
哥哥聽著毋願離
ko–koh thiann-tio̍h m̄-guān lī
探來探去笑微微
thàm lâi thàm khì tshiò bî-bî

春風陣陣吹山邊
tshun-hong tsūn-tsūn tshue suann-pinn
妹妹笑容鬥人意
muē-muē tshiò-iông tàu-lâng-ì
哥哥看著暗歡喜
ko–koh khuànn-tio̍h àm huann-hí
問東問西膏膏纏
mn̄g tang mn̄g sai ko-ko-tînn

春色茶山有情天
tshun-sik tê-suann ū-tsîng thinn
妹妹有心假無意
muē-muē ū-sim ké-bô-ì
哥哥知著伊心理
ko–koh tsai tio̍h i sim-lí
愈講愈熱心綿綿
jú kóng jú jia̍t sim mî-mî