茶山相褒

《茶山相褒》Tê-suann Sio-po
吳晉淮Ngôo Tsìn-huâi
張淑美Tiunn Siok-bí
——————————————
男)
這爿看對彼爿過
tsit pîng khuànn tuì hit-pîng kè
一陣查某遐濟个
tsi̍t-tīn tsa-bóo hiah tsuē ê
斟酌共看較詳細
tsim-tsiok kā khuànn khah siông-suè
喙咧唸歌那挽茶
tshuì teh liām-kua ná bán-tê

女)
看著有人直直看
khuànn-tio̍h ū-lâng ti̍t-ti̍t khuànn
無人做伴行孤單
bô-lâng tsuè-phuānn kiânn koo-tuann
毋知伊是為按怎
m̄-tsai i sī uī án-tsuánn
哪會來到阮茶山
ná ē lâi-kàu gún tê-suann

男)
挽茶查某真活動
bán-tê tsa-bóo tsin ua̍h-tāng
拍算全全是茶工
phah-sǹg tsuân-tsuân sī tê-kang
中央彼一个較撇桑
tiong-ng hit tsi̍t-ê khah phiat-sàng
真正歹目愛看人
tsin-tsiànn tái-ba̍k ài khuànn-lâng

女)
阮欲出聲共伊喝
gún beh tshut-siann kā-i huah
來遮歇涼佮袂熱
lâi tsia hioh-liâng kah buē jua̍h
也有燒茶通止渴
iā ū sio-tê thang tsí-khah
無嫌
bô hiâm
來聽阮唸歌
lâi thiann gún liām-kua