異鄉情書

《異鄉情書》Ī-hiong Tsîng-su(旅途夜風)
吳晉淮Ngôo Tsìn-huâi
——————————————
自彼一日咱離開
tsū hit tsi̍t-ji̍t lán lī-khui
已經過一年
í-king kuè tsi̍t-nî
我雖然在異鄉
guá sui-jiân tsāi ī-hiong
每日都想你
muí-ji̍t to siūnn lí
彼時你我初見面
hit-sî lí guá tshoo-kìnn-bīn
猶原春天時
iu-guân tshun-thinn sî
伴著春風欣賞著
phuānn tio̍h tshun-hong him-siúnn tio̍h
草山花芳味
Tsháu-suann hue phang-bī

你彼日有提起
lí hit ji̍t ū thê-khí
結婚的代誌
kiat-hun ê tāi-tsì
我當然無異議
guá tong-jiân bô ī-gī
心內真歡喜
sim-lāi tsin huann-hí
但是彼當時我事業
tān-sī hìng-sî guá sū-gia̍p
也無照願意
iā bô tsiàu guān-ì
月眉雖然情纏綿
ge̍h-bâi sui-jiân tsîng tînn-mî
空空落山邊
khang-khang lo̍h suann-pinn

你有情我有意
lí ū-tsîng guá ū-ì
雙人無變志
siang-lâng bô piàn-tsì
人雖然離千里
lâng sui-jiân lī tshian-lí
情絲斷袂離
tsîng-si tn̄g buē-lī
總是望你來忍耐
tsóng-sī bāng lí lâi jím-nāi
期待好日期
kî-thāi hó ji̍t-kî
等著花蕊迎春風
tán tio̍h hue-luí gîng tshun-hong
快樂的春天
khuài-lo̍k ê tshun-thinn