無聲的祝福

《無聲的祝福》Bô-siann ê Tsiok-hok
吳淑敏Ngôo Siok-bín
——————————————
思念親像一枝針
su-liām tshin-tshiūnn tsi̍t-ki tsiam
插佇阮心肝
tshah tī gún sim-kuann
予人心疼
hōo-lâng sim thiànn
想起彼工緣份到遮
siūnn-khí hit kang iân-hūn kàu tsia
目箍又閣漸漸紅
ba̍k-khoo iū-koh tsiām-tsiām âng
愛情親像一陣影
ài-tsîng tshin-tshiūnn tsi̍t-tsūn iánn
閃過阮心肝
siám kuè gún sim-kuann
回頭孤單
huê-thâu koo-tuann
愛你只好切斷感情線
ài lí tsí-hó tshiat-tn̄g kám-tsîng suànn
毋管你放蕩的生活
m̄-kuán lí hòng-tōng ê sing-ua̍h

你愛對家己好
lí ài tuì ka-kī hó
我嘛袂閣為你艱苦
guá mā buē koh uī lí kan-khóo
從今你行你的路
tsiông-kim lí kiânn lí ê lōo
我會恬恬收起悲傷
guá ē tiām-tiām siu-khí pi-siong
我會對家己好
guá ē tuì ka-kī hó
你免寫批為我煩惱
lí bián siá-phue uī guá huân-ló
雖然無你來疼惜
sui-jiân bô lí lâi thiànn-sioh
嘛會收著無聲的祝福
mā ē siu-tio̍h bô-siann ê tsiok-hok