小雨啊小雨

《小雨啊小雨》Sió-hōo–ah Sió-hōo

吳勇濱Ngôo Ióng-pin

——————————————

看佇眼內

khuànn tī gán-lāi

疼在心底

thiànn tsāi sim-té

為怎樣將阮來違背

uī-tsuánn-iūnn tsiong gún lâi uî-puē

人講紙是包袂著火

lâng kóng tsuá sī pau buē-tio̍h hué

毋免閣揣理由做解說

m̄-bián koh tshuē lí-iû tsuè kái-sueh

疼你是真

thiànn lí sī tsin

恨你是假

hūn lí sī ké

阮的情愛

gún ê tsîng-ài

只為你一个

tsí uī lí tsi̍t-ê

你講無人會當來代替

lí kóng bô-lâng ē-tàng lâi tāi-thè

你是阮今生美麗的走揣

lí sī gún kim-sing bí-lē ê tsáu-tshuē

小雨啊小雨

sió-hōo–ah sió-hōo

予伊洗去你無情的罪

hōo i sé khì lí bô-tsîng ê tsuē

過去山盟海誓

kuè-khì san-bîng-hái-sè

換你良心的懺悔

uānn lí liông-sim ê tshàm-hué

小雨啊小雨

sió-hōo–ah sió-hōo

予阮袂記對你的怨慼

hōo gún buē-kì tuì lí ê uàn-tsheh

閣再相信

koh-tsài siong-sìn

愛阮一句話

ài gún tsi̍t-kù uē