奔放的青春

《奔放的青春》Phun-hòng ê Tshing-tshun
吳晉淮Ngôo Tsìn-huâi
——————————————
南風吹送吊橋邊
lâm-hong tshue-sàng tiàu-kiô pinn
碧潭春色滿滿是
Phik-thâm tshun-sik muá-muá-sī
哥哥意重像鋼鐵
ko–koh ì tāng tshiūnn kǹg-thih
潭內美人魚
thâm-lāi bí-jîn-hî
笑微微笑微微
tshiò bî-bî tshiò bî-bî
你笑我也笑
lí tshiò guá iā tshiò
划船合唱戀愛詩
kò-tsûn ha̍p-tshiùnn luân-ài si
青春奔放情綿綿
tshing-tshun phun-hòng tsîng mî-mî
啦啦啦啦啦啦啦啦
lah lah lah lah lah lah lah lah
情綿綿
tsîng mî-mî

南風吹送山崙邊
lâm-hong tshue-sàng suann-lūn pinn
花紅柳綠好景色
hue âng liú li̍k hó kíng-sik
哥哥意志真堅定
ko–koh ì-tsì tsin kian-tīng
對妹表心情
tuì muē piáu sim-tsîng
談愛情談愛情
tâm ài-tsîng tâm ài-tsîng
你談我也談
lí tâm guá iā tâm
跑山做伴看風景
pháu-suann tsuè-phuānn khuànn hong-kíng
青春奔放心清清
tshing-tshun phun-hòng sim tshing-tshing
啦啦啦啦啦啦啦啦
lah lah lah lah lah lah lah lah
心清清
sim tshing-tshing

南風吹送暗路邊
lâm-hong tshue-sàng àm-lōo pinn
路樹搖動真清幽
lōo-tshiū iô-tāng tsin tshing-iu
哥哥心開無憂愁
ko–koh sim khui bô iu-tshiû
妹妹心肝內
muē-muē sim-kuann-lāi
有主張有主張
ū tsú-tiunn ū tsú-tiunn
你有我也有
lí ū guá iā ū
相招散步賞月娘
sio-tsio sàn-pōo siúnn ge̍h-niû
青春奔放真自由
tshing-tshun phun-hòng tsin tsū-iû
啦啦啦啦啦啦啦啦
lah lah lah lah lah lah lah lah
真自由
tsin tsū-iû