基隆山之戀

https://www.youtube.com/watch?v=hghf7dOdabg

《基隆山之戀》Ke-lâng-suann tsi Luân
吳青陽Ngôo Tshing-iông
陳淑樺Tân Siok-huâ
———————————-

基隆山 基隆山
Kue-lâng-suann, Kue-lâng-suann
台北的愛人仔放捒我
Tâi-pak ê ài-jîn-á pàng-sak guá
你是咧嫌阮面容歹看
lí sī leh hiâm gún bīn-iông pháinn-khuànn
抑是嫌阮做鱸鰻
ia̍h-sī hiâm gún tsuè lôo-muâ

阮無嫌你面容仔歹看
gún bô hiâm lí bīn-iông-á pháinn-khuànn
但是嫌你做鱸鰻
tān-sī hiâm lí tsuè lôo-muâ

有時星光有時月暗
ū-sî tshinn-kng ū-sî gue̍h-àm
阮欲閣娶有別人
gún beh koh tshuā, ū pa̍t-lâng

欲按怎 欲按怎
beh án-tsuánn, beh án-tsuánn
阮彼个心肝的放捒我
gún hit-ê sim-kuann–ê pàng-sak guá
你是嫌阮面容歹看
lí sī hiâm gún bīn-iông pháinn-khuànn
抑是嫌阮落煙花
ia̍h-sī hiâm gún lo̍h ian-hua

阮無嫌你面容歹看
gún bô hiâm lí bīn-iông-á pháinn-khuànn
但是嫌你較貧惰
tān-sī hiâm lí khah pîn-tuānn

有時星光有時月暗
ū-sî tshinn-kng, ū-sî gue̍h-àm
阮欲閣嫁有別人
gún beh koh kè, ū pa̍t-lâng

鴛鴦水鴨成雙成對
uan-iunn tsuí-ah sîng-siang-sîng-tuì
愛人仔比某嘛有較媠
ài-jîn-á pí bóo mā ū khah suí
烏色的頭毛櫻桃喙
oo-sik ê thâu-moo ing-thô tshuì
目睭展甲遮大蕊
ba̍k-tsiu thián kah tsiah tuā luí
你哪生做遮爾仔古錐
lí ná sinn-tsò tsiah-nī-á kóo-tsui
愈看愈佮意
jú khuànn jú kah-ì
有話想欲對你表示
ū uē siūnn-bueh tuì lí piáu-sī
表示真心咧愛你
piáu-sī tsin-sim teh ài lí