千里眼
《千里眼》Tshian-lí-gán
吳勇濱Ngôo Ióng-pin
——————————————
今夜的廟埕冷清清
kim-iā ê biō-tiânn líng tshing-tshing
石獅只有寂寞的表情
tsio̍h-sai tsí-ū tsi̍k-bo̍k ê piáu-tsîng
神明毋敢來做見證
sîn-bîng m̄-kánn lâi tsuè kiàn-tsìng
籤詩揣無咱的誓言
tshiam-si tshuē bô lán ê sè-giân
千里眼你著看予清
Tshian-lí-gán lí tio̍h khuànn hōo tshing
順風耳你著聽予明
Sūn-hong-ní lí tio̍h thiann hōo bîng
為著愛
uī-tio̍h ài
我願意來承擔
guá guān-ì lâi sîng-tam
一切的不幸
it-tshè ê put-hīng
等你出現踮廟前
tán lí tshut-hiān tiàm biō-tsîng
啊~風若靜
ah~ hong nā tsīng
啊~雨若停
ah~ hōo nā thîng
欠你的情債
khiàm lí ê tsîng-tsè
阮會加倍還
gún ē ka-puē hîng