十七八歲的年代

https://v.qq.com/x/page/o0011z1f5vi.html

《十七八歲的年代》Tsa̍p-tshit-peh Huè ê Nî-tāi

吳淑敏Ngôo Siok-bín

——————————————

徛佇孤單的公車牌

khiā tī koo-tuann ê kong-tshia-pâi

你是阮溫柔等待

lí sī gún un-jiû tán-thāi

兩人意愛藏心內

nn̄g-lâng ì-ài tshàng sim-lāi

面紅紅

bīn âng-âng

共幸福寫出來

kā hīng-hok siá–tshut-lâi

少女的心事無人知

siàu-lú ê sim-sū bô-lâng tsai

寄望月娘會了解

kià-bāng gue̍h-niû ē liáu-kái

保庇阮純純的愛

pó-pì gún sûn-sûn ê ài

每一工

muí tsi̍t-kang

囥伊佇心肝內

khǹg i tī sim-kuann-lāi

想起阮

siūnn-khí gún

十七八歲的年代

tsa̍p-tshit-pueh huè ê nî-tāi

無暝無日的期待

bô-mî-bô-ji̍t ê kî-thāi

酸甜苦澀百味的戀愛

sng-tinn khóo-siap pah-bī ê luân-ài

總是青春的相思海

tsóng-sī tshing-tshun ê siunn-si hái

懷念阮

huâi-liām gún

十七八歲的年代

tsa̍p-tshit-pueh huè ê nî-tāi

無煩無惱的自在

bô-huân bô-ló ê tsū-tsāi

行佇烏白無聊的未來

kiânn tī oo-pe̍h bô-liâu ê bī-lâi

才知青春

tsiah tsai tshing-tshun

遐爾精彩

hiah-nī tsing-tshái

遐爾仔精彩

hiah-nī-á tsing-tshái