傷心夢

《傷心夢》Siong-sim Bāng

吳淑敏Ngôo Siok-bín

——————————————

月娘有天星做伴

gue̍h-niû ū thinn-tshinn tsuè-phuānn

船隻有海港靠岸

tsûn-tsiah ū hái-káng khò-huānn

花蕊佮青草相倚

hue-luí kah tshinn-tsháu sio-uá

鳥隻對春風唱歌

tsiáu-tsiah tuì tshun-hong tshiùnn-kua

只有我

tsí-ū guá

佮孤影對看

kah koo-iánn tuì-khuànn

只有我

tsí-ū guá

無人講心情

bô-lâng kóng sim-tsiânn

想你的是我

siūnn lí–ê sī guá

阮嘛是期待愛情的人

gún mā sī kî-thāi ài-tsîng ê lâng

阮嘛是全心付出的人

gún mā sī tsuân-sim hù-tshut ê lâng

怎樣緣份

tsuánn-iūnn iân-hūn

對我來戲弄

tuì guá lâi hì-lāng

愛來愛去

ài-lâi-ài-khì

是一場傷心夢

sī tsi̍t-tiûnn siong-sim bāng

阮嘛是等待真心的人

gún mā sī tán-thāi tsin-sim ê lâng

阮嘛是純情溫柔的人

gún mā sī sûn-tsîng un-jiû ê lâng

怎樣命運

tsuánn-iūnn miā-ūn

袂當來成全

buē-tàng lâi sîng-tsuân

望來望去

bāng-lâi-bāng-khì

是一場傷心夢

sī tsi̍t-tiûnn siong-sim bāng