敢會閣再相逢
《敢會閣再相逢》Kám Ē Koh-tsài Siong-hông
吳木Ngôo Bo̍k
——————————————
經過了這場風雨
king-kuè liáu tsit tiûnn hong-hōo
相信咱攏有覺悟
siong-sìn lán lóng ū kak-ngōo
幸福時的快樂
hīng-hok sî ê khuài-lo̍k
熱情到的寂寞
jia̍t-tsîng kàu ê tsi̍k-bo̍k
徛佇咧這條雙叉路
khiā tī-leh tsit tiâu siang-tshe-lōo
微微的艱苦
bî-bî ê kan-khóo
誰知會佇佗再相逢
siáng tsai ē tī toh tsài siong-hông
我問你我問自己
guá mn̄g lí guá mn̄g tsū-kí
問互相閣有愛無
mn̄g hōo-siong koh ū ài bô
佗一年佗一日
tó tsi̍t-nî tó tsi̍t-ji̍t
傷心過渡換幸福
siong-sim kuè-tōo uānn hīng-hok
我看你我看自己
guá khuànn lí guá khuànn tsū-kí
看別人追求快樂
khuànn pa̍t-lâng tui-kiû khuài-lo̍k
你佮我的感情
lí kah guá ê kám-tsîng
再會了後
tsài-huē liáu-āu
敢會閣再相逢
kám ē koh-tsài siong-hông