我的真心話

《我的真心話》Guá ê Tsin-sim-uē

吳淑敏Ngôo Siok-bín

——————————————

天已經強欲光

thinn í-king kiōng-beh kng

看你的目屎猶未退

khuànn lí ê ba̍k-sái iáu-buē thè

若無朋友來相揣

nā bô pîng-iú lâi sio-tshuē

你猶原

lí iu-guân

艱苦藏佇心內底

kan-khóo tshàng tī sim-lāi-té

你問我敢會知

lí mn̄g guá kám ē tsai

你上遺憾的是啥貨

lí siōng uî-hām ê sī siánn-huè

頭一擺收著伊的情批

thâu-tsi̍t-pái siu-tio̍h i ê tsîng-phue

是絕情欲來離別

sī tsua̍t-tsîng beh lâi lî-pia̍t

感謝你講出真心話

kám-siā lí kóng-tshut tsin-sim-uē

真毋甘你為伊哭規暝

tsin m̄-kam lí uī i khàu kui-mê

感情上驚付出

kám-tsîng siōng kiann hù-tshut

換來是後悔

uānn–lâi sī hiō-hué

請聽我一句真心話

tshiánn thiann guá tsi̍t-kù tsin-sim-uē

你的悲傷我漸漸體會

lí ê pi-siong guá tsiām-tsiām thé-huē

若是一直蹛佇遺憾內底

nā-sī it-ti̍t tuà tī uî-hām lāi-té

欲按怎拄著幸福的機會

beh án-tsuánn tú-tio̍h hīng-hok ê ki-huē

—

我的真心話

guá ê tsin-sim-uē