唱袂煞的情歌

《唱袂煞的情歌》Tshiūnn Bē Suah ê Tsîng-kua
吳淑敏Ngôo Siok-bín
——————————————
阮若是寂寞時
gún nā-sī tsi̍k-bo̍k sî
你會輕輕來唱起
lí ē khin-khin lâi tshiùnn khí
用溫柔的歌聲
iōng un-jiû ê kua-siann
安慰著阮心情
an-uì tio̍h gún sim-tsiânn

咱若是甜蜜時
lán nā-sī tinn-bi̍t sî
你會快樂來唱起
lí ē khuài-lo̍k lâi tshiùnn khí
用幸福的歌詞
iōng hīng-hok ê kua-sû
唱出你的情意
tshiùnn-tshut lí ê tsîng-ì

敢是世事多變化
kám sī sè-sū to piàn-huà
抑是緣份已經煞
ia̍h-sī iân-hūn í-king suah
如今的我
jû-kim ê guá
只有聽著
tsí-ū thiann tio̍h
冷冷風吹聲
líng-líng hong tshue siann

咱兩人的感情線
lán nn̄g-lâng ê kám-tsîng-suànn
是唱袂煞的情歌
sī tshiùnn buē suah ê tsîng-kua
你講欲一生做伴
lí kóng beh it-sing tsuè-phuānn
只賰我唱出孤單
tsí tshun guá tshiùnn-tshut koo-tuann

阮猶原夜夜牽掛
gún iu-guân iā-iā khian-kuà
你唱袂煞的情歌
lí tshiùnn buē suah ê tsîng-kua
聽著熟似的音樂聲
thiann tio̍h si̍k-sāi ê im-ga̍k-siann
心肝內一陣仔疼
sim-kuann lāi tsi̍t-tsūn-á thiànn
聽著熟似的音樂聲
thiann tio̍h si̍k-sāi ê im-ga̍k-siann
是阮心疼的情歌
sī gún sim thiànn ê tsîng-kua