傷心海岸線

《傷心海岸線》Siong-sim Hái-huānn-suànn

吳淑敏Ngôo Siok-bín

——————————————

一條傷心海岸線

tsi̍t-tiâu siong-sim hái-gān-suànn

叫咱的愛

kiò lán ê ài

莫閣拖磨

mài koh thua-buâ

無情的跤步

bô-tsîng ê kha-pōo

閣行無較縒

koh kiânn bô-khah-tsua̍h

只是予阮心愈疼痛

tsí-sī hōo gún sim jú thiànn-thàng

一條傷心海岸線

tsi̍t-tiâu siong-sim hái-gān-suànn

像阮的目屎流袂煞

tshiūnn gún ê ba̍k-sái lâu buē-suah

放袂記咒誓

pàng-buē-kì tsiù-tsuā

越頭家己行

ua̍t-thâu ka-kī kiânn

無你的日子

bô lí ê ji̍t-tsí

阮會快活

gún ē khuìnn-ua̍h

月光照著

gue̍h-kng tsiò tio̍h

閃爍的海岸

siám-sih ê hái-huānn

(彼條遙遠無盡的海岸海岸)

hit tiâu iâu-uán bô-tsīn ê hái-huānn hái-huānn

照著兩个無緣的形影

tsiò tio̍h nn̄g-ê bô-iân ê hîng-iánn

(親像咱的感情遐孤單孤單)

tshin-tshiūnn lán ê kám-tsîng hiah koo-tuann koo-tuann

情路行到遮

tsîng-lōo kiânn kàu tsia

心酸藏心肝

sim-sng tshàng sim-kuann

最後艱苦來拆散

tsuè-āu kan-khóo lâi thiah-suànn

怨嘆予阮疼心的交換

uàn-thàn hōo gún thiànn-sim ê kau-uānn