三輪車夫

《三輪車夫》Sann-lián-tshia-hu
吳晉淮Ngôo Tsìn-huâi
——————————————
自細漢孤單稀微
tsū suè-hàn koo-tuann hi-bî
憂愁悲傷過日子
iu-tshiû pi-siong kè ji̍t-tsí
做男兒抱著意志
tsuè lâm-jî phāu tio̍h ì-tsì
暗時讀書日拖車
àm-sî tha̍k-tsu ji̍t thua-tshia
無分東西南北
bô hun tang-sai-lâm-pak
毋驚日曝抑雨沃
m̄-kiann ji̍t pha̍k ia̍h hōo ak
為著前途會光明
uī-tio̍h tsiân-tôo ē kong-bîng
啊~含珠淚趁著辛酸錢
ah~ hâm tsu-luī thàn tio̍h sin-sng tsînn

世間人有悲有喜
sè-kan-lâng ū pi ū hí
有緣千里結情義
ū-iân tshian-lí kiat tsîng-gī
是運命替阮安排
sī ūn-miā thè gún an-pâi
枯木逢春花再開
koo-bo̍k hông-tshun hue tsài khai
無論海角天邊
bô-lūn hái-kak thinn-pinn
踏著三輪走規暝
ta̍h-tio̍h sann-lián tsáu kui-mî
為著將來的幸福
uī-tio̍h tsiong-lâi ê hīng-hok
啊~含笑容趁著血汗錢
ah~ hâm tshiò-iông thàn tio̍h huih-kuānn tsînn

三輪車載著人客
sann-lián-tshia tsài tio̍h lâng-kheh
翻山過嶺無怨慼
puânn-suann kè-niá bô uàn-tsheh
做頭路無論好䆀
tsuè thâu-lōo bô-lūn hó-bái
守阮本份才應該
siú gún pún-hūn tsiah ìng-kai
順著人客要求
sūn tio̍h lâng-kheh iau-kiû
受氣當做是歡喜
siū khì tòng-tsuè sī huann-hí
為著金錢來忍氣
uī-tio̍h kim-tsînn lâi jím-khì
啊~人生的路途像眠夢
ah~ jîn-sing ê lōo-tôo tshiūnn bîn-bān