親情

《親情》Tshin-tsîng

吳木Ngôo Bo̍k

——————————————

咱若有閒

lán nā ū-îng

就相招轉來做伙

tiō sio-tsio tńg-lâi tsò-hué

爸母咱兄弟愛捷相揣

pē-bú lán hiann-tī ài tsia̍p sio-tshuē

田庄的古厝內

tshân-tsng ê kóo-tshù lāi

講話泡茶

kóng-uē phàu-tê

天倫之樂是毋通無

thian-lûn tsi lo̍k sī m̄-thang bô

感謝著這片地

kám-siā tio̍h tsit phiàn tē

來晟養遮濟个

lâi tshiânn-ióng tsiah tsē ê

懷念著艱苦的經過

huâi-liām tio̍h kan-khóo ê king-kuè

有人離鄉多年今再回

ū-lâng lī-hiong to-nî kim tsài-huê

大聲來叫無怹阿母老爸

tuā-siann lâi kiò bô in a-bú lāu-pē

世間無常

sè-kan bû-siông

目一下過

ba̍k tsi̍t-ē kuè

毋通予親情埋塗底

m̄-thang hōo tshin-tsîng tâi thôo-té

趁濟趁少無關係

thàn tsē thàn tsió bô kuan-hē

爸母咱兄弟今生這回

pē-bú lán hiann-tī kim-sing tsit huê