相逢北海岸

《相逢北海岸》Siong-hông Pak-hái-huānn

余天龍Î Thian-liông

楊惠絜Iûnn Huī-kiat

——————————————

海湧也知我痴情心肝

hái-íng iā tsai guá tshi-tsîng sim-kuann

你敢放我留戀北海岸

lí kám pàng guá liû-luân pak-hái-huānn

咱兩人相逢北海岸

lán nn̄g-lâng siong-hông pak-hái-huānn

–

男)

海湧一陣一陣拍醒我

hái-íng tsi̍t-tsūn-tsi̍t-tsūn phah-tshínn guá

不該飄流海面過生活

put-kai phiau-liû hái-bīn kuè sing-ua̍h

女)

三年的等待

sann-nî ê tán-thāi

無變卦

bô piàn-kuà

看見心愛回航的船隻

khuànn-kìnn sim-ài huê-hâng ê tsûn-tsiah

男)

你是我性命的一半

lí sī guá sìnn-miā ê tsi̍t-puànn

也是今生紅顏知己的伴

iā-sī kim-sing hông-gân ti-kí ê phuānn

女)

你是阮唯一的牽掛

lí sī gún uî-it ê khian-kuà

日思夜夢

ji̍t su iā bāng

攏是你的形影

lóng-sī lí ê hîng-iánn

男)

夕陽佮大海黏一條線

si̍k-iông kah tuā-hái liâm tsi̍t-tiâu suànn

女)

像你溫柔的手牽阮行

tshiūnn lí un-jiû ê tshiú khan gún kiânn

男)

天星佮明月依依難捨

thinn-tshinn kah bîng-gue̍h i-i lân-siá

女)

情深愛也深

tsîng tshim ài iā tshim

相依相倚

sio-i sio-uá

合)

一切天註定

it-tshè thinn tsù-tiānn

今日相逢北海岸

kim-ji̍t siong-hông pak-hái-huānn