酒家女

《酒家女》Tsiú-ka-lú
西卿 Se-khing
——————————————
紅燈青燈照阮面
âng-ting tshinn-ting tsiò gún bīn
阮是賣面無賣身
gún sī buē bīn bô buē-sin
音樂聲薰酒味
im-ga̍k-siann hun-tsiú bī
鼻著強欲烏暗眩
phīnn tio̍h kiōng-bueh oo-àm-hîn
啥人會知阮心內
siánn-lâng ē tsai gún sim-lāi
明瞭彼个就是阮愛人
bîng-liâu hit-ê tsiū-sī gún ài-jîn

毋敢啉酒潑落地
m̄-kánn lim-tsiú phuah lo̍h tē
盡情無愛第二个
tsīn-tsîng bô-ài tē-jī–ê
音樂聲薰酒味
im-ga̍k-siann hun-tsiú bī
愈聽愈鼻愈哀悲
jú thiann jú phīnn jú ai-pi
啥人欲救薄命花
siánn-lâng bueh kiù po̍k-bīng-hue
明瞭彼个永遠欲做伙
bîng-liâu hit-ê íng-uán bueh tsuè-hué

社會可憐酒家女
siā-huē khó-liân tsiú-ka-lí
阮曷毋是貪著錢
gún ia̍h m̄-sī tham tio̍h tsînn
音樂聲薰酒味
im-ga̍k-siann hun-tsiú bī
愈聽愈鼻愈哀悲
jú thiann jú phīnn jú ai-pi
啥人有情佮有義
siánn-lâng ū-tsîng kah ū-gī
明瞭彼个一生伊妻兒
bîng-liâu hit-ê it-sing i tshe-jî