請你毋通離開我
《請你毋通離開我》Tshiánn Lí M̄-thang Lī-khui Guá
西卿Se-khing
——————————————
為怎樣春風悽悽
uī-tsánn-iūnn tshun-hong tshi-tshi
為怎樣天星稀微
uī-tsánn-iūnn thinn-tshinn hi-bî
過去的形也相隨
kuè-khì ê hîng iā sio-suî
滿腹的熱戀情義
muá-pak ê jia̍t-luân tsîng-gī
如今幸福無情意
jû-kim hīng-hok bô tsîng-ì
愛人啊愛人啊
ài-jîn–ah ài-jîn–ah
怎樣放我做你去
tsuánn-iūnn pàng guá tsuè lí khì
無論是天邊海角
bô-lūn sī thinn-pinn hái-kak
毋管是山盟海誓
m̄-kuán sī san-bîng-hái-sè
請你毋通離開我
tshiánn lí m̄-thang lī-khui guá
為怎樣遮爾無情
uī-tsánn-iūnn tsiah-nī bô-tsîng
為怎樣遮爾無義
uī-tsánn-iūnn tsiah-nī bô-gī
迷人的甜言蜜語
bê-lâng ê tinn-giân-bi̍t-gú
少女的寶貴青春
siàu-lú ê pó-kuì tshing-tshun
全部已經獻予你
tsuân-pōo í-king hiàn hōo lí
愛人啊愛人啊
ài-jîn–ah ài-jîn–ah
敢講為著啥代誌
kám-kóng uī-tio̍h siánn tāi-tsì
無論是天邊海角
bô-lūn sī thinn-pinn hái-kak
毋管是山盟海誓
m̄-kuán sī san-bîng-hái-sè
請你毋通離開我
tshiánn lí m̄-thang lī-khui guá