盲女心聲
《盲女心聲》Bông-lú Sim-siann
西卿Se-khing
——————————————
冷霜風吹柳枝
líng-sng-hong tshue liú-ki
風吹聲慘悽悽
hong tshue siann tshám tshi-tshi
怨失明目屎滴
uàn sit-bîng ba̍k-sái tih
阮是不幸流浪女
gún sī put-hīng liû-lōng-lí
啊~流浪他鄉心哀悲
ah~ liû-lōng thann-hiong sim ai-pi
月光光像暗暝
ge̍h kng-kng tshiūnn àm-mî
烏鴉揣伴亂亂啼
oo-a tshuē phuānn luān-luān thî
感動阮目屎滴
kám-tōng gún ba̍k-sái tih
唱出悲慘的歌詩
tshiùnn-tshut pi-tshám ê kua-si
啊~唱出悲慘的歌詩
ah~ tshiùnn-tshut pi-tshám ê kua-si
水流聲流袂停
tsuí-lâu-siann lâu buē thîng
孤單一个心起冷
koo-tuann tsi̍t-ê sim khí líng
對上天訴不平
tuì siōng-thian sòo put-pîng
為何生阮遮薄命
uī-hô sinn gún tsiah po̍k-bīng
啊~為何生阮遮薄命
ah~ uī-hô sinn gún tsiah po̍k-bīng