拍斷手骨顛倒勇

《拍斷手骨顛倒勇》Phah-tn̄g Tshiú-kut Tian-tò Ióng

西卿Se-khing

——————————————

既然咱難相容

kì-jiân lán lân siong-iông

閣再鬥陣嘛無路用

koh-tsài tàu-tīn mā bô-lōo-iōng

請你原諒

tshiánn lí guân-liōng

毋通來悲傷

m̄-thang lâi pi-siong

分開是姑不三將

hun-khui sī koo-put-sann-tsiong

你有你的

lí ū lí ê

你有你的前途理想

lí ū lí ê tsiân-tôo lí-sióng

我有我的

guá ū guá ê

我有我的目標佮去向

guá ū guá ê bo̍k-piau kah khì-hiòng

隨人愛保重

suî lâng ài pó-tiōng

隨人愛堅強

suî lâng ài kian-kiông

無定著

bô-tiānn-tio̍h

拍斷手骨會顛倒勇

phah-tn̄g tshiú-kut ē tian-tò ióng

啊~愛情是袂勉強

ah~ ài-tsîng sī bē bián-kióng

今後相逢

kim-āu siong-hông

只有在夢中

tsí-ū tsāi bāng-tiong