做人做事

《做人做事》Tsò-lâng Tsò-sū

西卿Se-khing

——————————————

做人著愛有志氣

tsuè-lâng tio̍h-ài ū tsì-khì

才袂予人來警示

tsiah buē hōo-lâng lâi kíng-sī

遵從爸母的言語

tsun-tsiông pē-bú ê giân-gí

對待朋友重情義

tuì-thāi pîng-iú tiōng tsîng-gī

做事著愛認是非

tsuè-sū tio̍h-ài jīn sī-hui

認真拍拚做代誌

jīn-tsin phah-piànn tsuè tāi-tsì

事事項項愛顧慮

sū-sū-hāng-hāng ài kòo-lī

才袂失去好友誼

tsiah buē sit-khì hó iú-gî

佮人約束著守時

kah lâng iok-sok tio̍h siú-sî

才袂誤人又誤己

tsiah buē gōo lâng iū gōo kí

做人若有照道理

tsuè-lâng nā ū tsiàu tō-lí

逐家才會尊重伊

ta̍k-ke tsiah ē tsun-tiōng i