點袂著的番仔火

《點袂著的番仔火》Tiám Bē To̍h ê Huan-á-hué
江蕙Kang Huī
——————————————
突然間
tu̍t-jiân king
有一陣冷風吹來
ū tsi̍t-tsūn líng-hong tshue–lâi
才知影原來思念
tsiah tsai-iánn guân-lâi su-liām
猶原囥佇心肝內
iu-guân khǹg tī sim-kuann-lāi
月臺邊情人雙雙對對
gue̍h-tâi pinn tsîng-jîn siang-siang tuì-tuì
目睭內甜蜜像針揻
ba̍k-tsiu lāi tinn-bi̍t tshiūnn tsiam ui

敢是你已將約束放袂記
kám-sī lí í tsiong iok-sok pàng-buē-kì
冷風像知我無人安慰
líng-hong tshiūnn tsai guá bô-lâng an-uì
替阮吼規暝
thuè gún háu kui-mî
為按怎我攏袂清醒
uī án-tsuánn guá lóng buē tshing-tshínn
到如今猶原放袂開
kàu jû-kim iu-guân pàng buē khui
一个人搝著感情線
tsi̍t-ê-lâng giú tio̍h kám-tsîng-suànn
行愈遠愈孤單
kiânn jú hn̄g jú koo-tuann

思念若親像
su-liām ná-tshin-tshiūnn
點袂著的番仔火
tiám buē to̍h ê huan-á-hué
免等到風吹
bián tán-kàu hong tshue
早已經有魂無體
tsá í-king ū hûn bô thé
對你的痴心傷心
tuì lí ê tshi-sim siong-sim
閣賰遐濟
koh tshun hiah tsuē
較濟嘛無人會體會
khah tsuē mā bô-lâng ē thé-huē

緣份若親像
iân-hūn ná-tshin-tshiūnn
點袂著的番仔火
tiám buē to̍h ê huan-á-hué
愈點愈心酸
jú tiám jú sim-sng
愈愛愈袂當做伙
jú ài jú buē-tàng tsò-hué
若毋是想你
nā-m̄-sī siūnn lí
想甲無路可退
siūnn kah bô-lōo khó thè
也袂留予你有機會
iā buē lâu hōo lí ū ki-huē
傷阮澈底
siong gún thiat-té