我的所在我的人

《我的所在我的人》Guá ê Sóo-tsāi Guá ê Lâng
江蕙Kang Huī
——————————————
這暝過後
tsit mî kuè-āu
就欲離開
tiō beh lī-khui
啊~我的所在我的人
ah~ guá ê sóo-tsāi guá ê lâng
落葉離枝
lo̍h-hio̍h lî ki
孤花自芳
koo hue tsū phang
為著將來心沉重
uī-tio̍h tsiong-lâi sim tîm-tāng

毋知做夢
m̄-tsai tsuè-bāng
抑是希望
ia̍h-sī hi-bāng
將咱暫時拆西東
tsiong lán tsiām-sî thiah se-tang
故鄉的路燈
kòo-hiong ê lōo-ting
為我暗淡
uī guá àm-tām
將阮的心情結成網
tsiong gún ê sim-tsîng kiat-sîng bāng

你我攏是仝款心肝
lí guá lóng-sī kāng-khuán sim-kuann
雖然暫時袂當黏相倚
sui-jiân tsiām-sî buē-tàng liâm sio-uá
啊~你可是惜花的人
ah~ lí khó sī sioh hue ê lâng
該會將阮疼痛
kai ē tsiong gún thiànn-thàng

倒轉故鄉
tò-tńg kòo-hiong
花閣再芳
hue koh-tsài phang
啊~我的所在我的人
ah~ guá ê sóo-tsāi guá ê lâng
—

倒轉故鄉
tò-tńg kòo-hiong
花閣再芳
hue koh-tsài phang
啊~我的所在有所愛的人
ah~ guá ê sóo-tsāi ū sóo ài ê lâng

春夏秋冬
tshun-hā tshiu-tang
日思夜夢
ji̍t-su iā-bāng
啊~遮有我的希望
ah~ tsia ū guá ê hi-bāng
我所懷念的人
guá sóo huâi-liām ê lâng
我的所在我的人
guá ê sóo-tsāi guá ê lâng

啦~啦~啦~啦~啦~啦~
lah~ lah~ lah~ lah~ lah~ lah~
啊我的所在我的人
ah guá ê sóo-tsāi guá ê lâng