傷心是我的愛情

《傷心是我的愛情》Siong-sim Sī Guá ê Tsîng
江蕙Kang Huī
——————————————
想著你
siūnn-tio̍h lí
心就凝
sim tiō gîng
無人親像你遮無情
bô-lâng tshin-tshiūnn lí tsiah bô-tsîng
枉費我用情遐爾深
óng-huì guá iōng-tsîng hiah-nī tshim
哪會換來你的薄倖
ná ē uānn lâi lí ê po̍k-hīng

是啥人來造成
sī siánn-lâng lâi tsō-sîng
予我為你
hōo guá uī lí
每日咧傷心
muí-ji̍t teh siong-sim
枉費我對你遮痴情
óng-huì guá tuì lí tsiah tshi-tsîng
哪會換來你的僥倖
ná ē uānn lâi lí ê hiau-hīng

敢講世間無真正愛情
kám-kóng sè-kan bô tsin-tsiànn ài-tsîng
抑是我比別人較不幸
ia̍h-sī guá pí pa̍t-lâng khah put-hīng
敢講這就是我的一生
kám-kóng tse tiō-sī guá ê it-sing
抑是
ia̍h-sī
傷心就是我的愛情
siong-sim tiō-sī guá ê ài-tsîng