痴情的等待

《痴情的等待》Tshi-tsîng ê Tán-thāi
江蕙Kang Huī
——————————————
冷冷的感情路
líng-líng ê kám-tsîng lōo
行到佗位才會有結果
kiânn kàu tó-uī tsiah-ē ū kiat-kó
怎樣阮會揣攏無
tsuánn-iūnn gún ē tshuē lóng bô
一个有情人倚靠
tsi̍t-ê ū-tsîng-lâng uá-khò
無人陪伴的寂寞
bô-lâng puê-phuānn ê tsi̍k-bo̍k
為何又閣踮在阮心中
uī-hô iū-koh tiàm-tsāi gún sim-tiong
敢講著愛一錯再錯
kám-kóng tio̍h-ài it-tshò tsài-tshò
才會知影啥人好
tsiah-ē tsai-iánn siánn-lâng hó

想欲將你的一切
siūnn-beh tsiong lí ê it-tshè
放予袂記
pàng hōo buē-kì
想欲揣一个
siūnn-beh tshuē tsi̍t-ê
上遠的所在
siōng hn̄g ê sóo-tsāi
將阮受傷的心
tsiong gún siū-siong ê sim
放予伊飛
pàng hōo i pue

咱兩个恩恩愛愛的話
lán nn̄g-ê un-un-ài-ài ê uē
毋知講過幾擺
m̄-tsai kóng kuè kuí pái
到如今了解以後
kàu jû-kim liáu-kái í-āu
你予阮的
lí hōo gún ê
只有傷害
tsí-ū siong-hāi

咱兩个分分合合的目屎
lán nn̄g-ê hun-hun ha̍p-ha̍p ê ba̍k-sái
著愛流過幾擺
tio̍h-ài lâu kuè kuí pái
你才會知
lí tsiah-ē tsai
孤單的人
koo-tuann ê lâng
這款的無奈
tsit khuán ê bô-nāi
痴情的等待
tshi-tsîng ê tán-thāi