重逢未了情

《重逢未了情》Tiông-hông Bī-liáu Tsîng
江蕙Kang Huī
——————————————
面抹著水粉胭脂
bīn buah tio̍h tsuí-hún ian-tsi
冷冷的心情空虛
líng-líng ê sim-tsîng khang-hi
猶原是孤單
iu-guân sī koo-tuann
思念的暗暝
su-liām ê àm-mî
心內總有千言萬語
sim-lāi tsóng ū tshian-giân bān-gí

茫茫的人生路途
bâng-bâng ê jîn-sing lōo-tôo
懵懂的青春跤步
bóng-tóng ê tshing-tshun kha-pōo
你敢有伴相照顧
lí kám ū phuānn sio tsiàu-kòo
毋管是風抑是雨
m̄-kuán sī hong ia̍h-sī hōo

無論世事滄桑
bô-lūn sè-sū tshong-song
無論流浪他鄉
bô-lūn liû-lōng thann-hiong
猶原關心
iu-guân kuan-sim
你漂泊的行蹤
lí phiau-po̍k ê hîng-tsong
雖然歲月匆匆
sui-jiân suè-gua̍t tshong-tshong
雖然滿面風霜
sui-jiân muá-bīn hong-song
阮永遠等待
gún íng-uán tán-thāi
等待早日的重逢
tán-thāi tsá-ji̍t ê tiông-hông