美麗的交換

《美麗的交換》Bí-lē ê Kau-uānn
江蕙Kang Huī
——————————————
有人欣賞我唱過的歌
ū-lâng him-sióng guá tshiùnn–kuè ê kua
心肝內深深感謝
sim-kuann-lāi tshim-tshim kám-siā
藝界的路有恁做伴
gē-kài ê lōo ū lín tsuè-phuānn
我才會繼續踮遮
guá tsiah ē kè-sio̍k tiàm tsia

情路起起落落的變化
tsîng-lōo khí-khí-lo̍h-lo̍h ê piàn-huà
唱出著你的心情
tshiùnn-tshut tio̍h lí ê sim-tsiânn
人生來來去去的悲歡
jîn-sing lâi-lâi-khì-khì ê pi-huan
三兩句啥人唱會煞
sann-nn̄g-kù siánn-lâng tshiùnn ē suah

你熱情的掌聲
lí jia̍t-tsîng ê tsióng-siann
我真心的歌聲
guá tsin-sim ê kua-siann
冷淡世間
líng-tām sè-kan
美麗的交換
bí-lē ê kau-uānn

若是你聽著我這首歌
nā-sī lí thiann-tio̍h guá tsit siú kua
這是我最近的心聲
tse sī guá tsuè-kīn ê sim-siann
天邊抑海角
thinn-pinn ia̍h hái-kak
無論你佇佗生活
bô-lūn lí tī toh sing-ua̍h
聽我的歌
thiann guá ê kua
佮你做伴
kah lí tsuè-phuānn
—

你熱情的掌聲
lí jia̍t-tsîng ê tsióng-siann
我真心的歌聲
guá tsin-sim ê kua-siann
冷淡世間
líng-tām sè-kan
美麗的交換
bí-lē ê kau-uānn

啦啦啦啦啦啦啦~
lah lah lah lah lah lah lah~
啦啦啦啦啦啦啦~
lah lah lah lah lah lah lah~

冷淡世間
líng-tām sè-kan
美麗的交換
bí-lē ê kau-uānn