探獄思君怨

《探獄思君怨》Tham-ga̍k Su Ku Uàn
江蕙Kang Huī
——————————————
自從我君來監獄內
tsū-tsiông guá kun lâi kann-ga̍k lāi
監獄內受罪嘛無人知
kann-ga̍k lāi siū-tsuē–mah bô-lâng tsai
為何我君你一時嘛失主裁
uī-hô guá kun lí tsi̍t-sî–mah sit tsú-tshâi
為何失主裁
uī-hô sit tsú-tshâi

到底哪為啥代
tàu-té–nah uī siánn tāi
阮嘛無了解
gún mā bô liáu-kái
愈想愈悲哀
jú siūnn jú pi-ai
想著君我心傷悲
siūnn-tio̍h kun guá sim siong-pi
我聲聲叫出著你名字
guá siann-siann kiò tshut tio̍h lí miâ-jī
啊~望君仔早日回鄉里
ah~ bāng kun–á tsá-ji̍t huê hiong-lí

手提水果嘛欲面會
tshiú the̍h tsuí-kó–mah beh biān-huē
我君仔獄內嘛咧受罪
guá kun–á ga̍k-lāi–mah leh siū-tsuē
為情為愛嘛為君仔你一个
uī tsîng uī ài mā uī kun–á lí tsi̍t-ê
為君你一个
uī kun lí tsi̍t-ê

路途哪遮爾遠
lōo-tôo ná tsiah-nī hn̄g
行甲跤破皮
kiânn kah kha phuà-phuê
阮也無怨慼
gún iā bô uàn-tsheh
想著君
siūnn-tio̍h kun
我心傷悲
guá sim siong-pi
我聲聲叫出著你名字
guá siann-siann kiò tshut tio̍h lí miâ-jī
啊~望君仔早日回鄉里
ah~ bāng kun–á tsá-ji̍t huê hiong-lí