底時才會當

《底時才會當》Tī-sî Tsiah Ē-tàng
江蕙Kang Huī
——————————————
陣陣冷風吹樓窗
tsūn-tsūn líng-hong tshue lâu-thang
吹甲心肝挐氅氅
tshue kah sim-kuann jû-tsháng-tsháng
明知是一場無情夢
bîng-tsai sī tsi̍t-tiûnn bô-tsîng bāng
啊~夢醒一切攏是空
ah~ bāng tshínn it-tshè lóng-sī khang
偏偏又閣毋願放
phian-phian iū-koh m̄-guān pàng
茫茫痴情也甘願
bông-bông tshi-tsîng iā kam-guān
心情親像海上的孤帆
sim-tsîng tshin-tshiūnn hái-siōng ê koo-phâng
啊~漂流一工過一工
ah~ phiau-liû tsi̍t-kang kuè tsi̍t-kang

敢講是他鄉有新人
kám-kóng sī thann-hiong ū sin-lâng
才會忍心無半項
tsiah-ē jím-sim bô-puànn-hāng
害阮無暝無日咧留戀
hāi gún bô-mî-bô-ji̍t teh liû-luân
目睭金金來空等
ba̍k-tsiu kim-kim lâi khang tán

啊~底時才會當
ah~ tī-sî tsiah ē-tàng
毋免為情來操煩
m̄-bián uī tsîng lâi tshau-huân