寂寞的小路

《寂寞的小路》Tsi̍k-bo̍k ê Sió-lōo
江蕙Kang Huī
——————————————
一个人孤單行在
tsi̍t-ê-lâng koo-tuann kiânn tsāi
一條無人的小路
tsi̍t-tiâu bô-lâng ê sió-lōo
只看見暗淡的路燈
tsí khuànn-kìnn àm-tām ê lōo-ting
親像對我咧招呼
tshin-tshiūnn tuì guá teh tsio-hoo
下暗的月娘
e-àm ê ge̍h-niû
毋知到底佮啥人去?迌
m̄-tsai tàu-té kah siánn-lâng khì thit-thô
哪會揣攏無
ná ē tshē lóng bô
啊!欲如何
ah! beh jû-hô

伊無來替阮照路
i bô lâi thuè gún tsiò-lōo
予阮的影煞揣無
hōo gún ê iánn suah tshē-bô
我毋管夜色遐烏
guá m̄-kuán iā-sik hiah oo
踏著輕鬆的跤步
ta̍h tio̍h khin-sang ê kha-pōo
一陣陣暗風吹來
tsi̍t-tsūn-tsūn àm-hong tshe–lâi
原來伊嘛真寂寞
guân-lâi i mā tsin tsi̍k-bo̍k
害阮一時陣
hāi gún tsi̍t-sî-tsūn
啊!心慒慒
ah! sim tso-tso

忽然間引阮想起
hut-jiân-kan ín gún siūnn-khí
你咱的當初
lí lán ê tong-tshoo
你佮我熟似
lí kah guá si̍k-sāi
就是這條的小路
tsiū-sī tsit tiâu ê sió-lōo
你對我所講的話
lí tuì guá sóo kóng ê uē
已經變水泡
í-king piàn tsuí-pho
到現在我才了解
kàu hiān-tsāi guá tsiah liáu-kái
愛著你是我的錯誤
ài-tio̍h lí sī guá ê tshò-gōo

我只好繼續行著
guá tsí-hó kè-sio̍k kiânn tio̍h
我猶未行完的路
guá iáu-bē kiânn uân ê lōo
雖然是無人知影
sui-jiân sī bô-lâng tsai-iánn
我心內的鹹酸苦
guá sim-lāi ê kiâm-sng-khóo
有一日我會揣著
ū-tsi̍t-ji̍t guá ē tshē-tio̍h
我應該行的路
guá ìng-kai kiânn ê lōo
毋免一个人
m̄-bián tsi̍t-ê-lâng
閣行著這條路
koh kiânn tio̍h tsit tiâu lōo