無關愛情

《無關愛情》Bû-kuan Ài-tsîng
江蕙Kang Huī
——————————————
點一枝
tiám tsi̍t-ki
你走的時留落的薰
lí tsáu ê sî lâu–lo̍h ê hun
了結著你我的情份
liáu-kiat tio̍h lí guá ê tsîng-hūn
願從此
guān tsiông-tshú
我袂閣想你會心酸
guá buē koh siūnn lí ē sim-sng
只會記你講你愛阮
tsí ē kì lí kóng lí ài gún

我盡量來保持一个分寸
guá tsīn-liōng lâi pó-tshî tsi̍t-ê hun-tshùn
毋通怪我攏掠袂準
m̄-thang kuài guá lóng lia̍h buē tsún
因為愛情帶來快樂的時陣
in-uī ài-tsîng tuà-lâi khuài-lo̍k ê sî-tsūn
伊同時也帶來憂悶
i tông-sî iā tuà-lâi iu-būn

這無關著愛情
tse bô-kuan tio̍h ài-tsîng
無關美麗青春
bô-kuan bí-lē tshing-tshun
你就毋免為我拍算
lí tiō m̄-bián uī guá phah-sǹg
若感情踮你我心中
nā kám-tsîng tiàm lí guá sim-tiong
變成疑問
piàn-sîng gî-būn
這一切
tse it-tshè
就攏無準算
tiō lóng bô tsún-sǹg
這一切
tse it-tshè
就愈來愈遠
tiō jú lâi jú hn̄g